ကလေးတစ်ဦး၏ အရသာပုံစံသည်ကြီးထွားလာပြီး အချို့အစားအစာများသည် ၎င်းတို့အတွက်ကောင်းသော်လည်း ထိုအစားအစာများကို သူတို့မကြိုက်ကြပါ။ မိဘတစ်ဦးအနေနှင့် ကလေးအတွက်မရှိမဖြစ် လိုအပ်သော အာဟာရကို အစားအစာများမှမရရှိပါက အစားထိုးရန် ရုန်းကန်ရမည်ကို စိုးရိမ်သည်။ အစားထိုးစရာများ များစွာရှိပါသည်။ သို့သော် သင့်ကလေးငယ်များကို အရာများမကျွေးမီ ပထမဆုံးအနေနှင့် အကောင်းမြင်စိတ်များ မွေးမြူပြီး စံပြပုဂ္ဂိုလ်ကောင်း တစ်ယောက်ဖြစ်အောင်အရင်ပြုလုပ်ပါ။ သင့်ကလေးက အချို့အရာများကို မုန်းတယ်လို့ပြောမည့်အစား သူတို့ကအသစ်အဆန်းတွေကို ကြိုးစားချင်စိတ်ရှိသည်ဟု ပြောပါ။

ခရမ်းချဉ်သီး၊ ငရုတ်သီးစိမ်း၊ ပန်းပွင့်စိမ်း၊ မုန်လာဥနီ – ထိုဟင်းသီးဟင်းရွက်များ၏ တူညီသောအချက်မှာ ၎င်းတို့အားလုံးသည် Vitamin A,C နှင့် K တို့အတွက် ကောင်းသောအရင်းမြစ်များဖြစ်သည်။ ဤဗီတာမင်များသည် အမြင်အာရုံ၊ ခုခံအားနှင့် Antioxidants အဖြစ်လုပ်ဆောင်ရာတွင်ထောက်ပံ့ပေးသည်။ သင့်ကလေးသည် ၎င်းဟင်းသီးဟင်းရွက်တို့၏ အရောင်နှင့် အစိမ်းရောင်ဟင်းသီးဟင်းရွက်အနံ့များကြောင့် ၎င်းအရာများကို စားရန်အတွက် ငြင်းဆန်နိုင်သည်။ သင့်ကလေးတွင် ၎င်းဗီတာမင်များ ချို့တဲ့ပါက အရိုးအားနည်းခြင်း၊ သွားကျန်းမာရေးအားနည်းခြင်းနှင့် ဖျားနာခြင်းတို့ဖြစ်နိုင်သည်။ ကန်စွန်းဥ၊ လိမ္မော်သီး၊ အမျိုးမျိုးသောအသီးများနှင့် အစားထိုးပါ (သို့မဟုတ်) ၎င်းတို့မကြိုက်နှစ်သက်ပါက ပုံစံအမျိုးမျိုးနှင့်စမ်းကြည့်ပါ။

ငါးနှင့်ပင်လယ်စာ – ကလေးအများစုမှာ ငါးညှီနံ့များနှင့် ပင်လယ်သမုဒ္ဒရာ၏ အနံ့များကြောင့် ကလေးများသည် ငါးနှင့် ပင်လယ်စာများကို မကြိုက်ကြပါ။ ပင်လယ်စာများတွင်ပရိုတင်း၊ ဆီလီနီယမ် ( ဓာတ်တိုးဆန့်ကျင်ပစ္စည်း) နှင့် Omega – 3 ဖက်တီးအက်ဆစ်များကြွယ်ဝစွာပါဝင်ပါသည်။ ၎င်းတို့သည် ဆဲလ်များ၊ ကြွက်သားများ၊ ပျက်စီးမှုကို ပြုပြင်ခြင်းနှင့် အလုံးစုံဖွံ့ဖြိုးမှုအတွက် အရေးကြီးသည်။ ဤအာဟာရအရင်မြစ်များကို အနီရောင်အသားများ၊ ကြက်သား၊ ဒိန်ခဲ၊ ဥများ၊ အခွံမာသီးများ၊ ပဲပင်များနှင့် ငါးကြီးဆီ ဖြည့်စွက်ဆေးများဖြင့် အလွယ်တကူ အစားထိုးနိုင်သည်။

နို့နှင့်ဒိန်ခဲ – ကယ်လ်စီယမ်၊ ဗီတာမင် ဒီ များသည် ကြွက်သားများ၊ အာရုံကြောများ၊ သွေးနှင့်အရိုးများအတွက် ကောင်းသော အရင်းအမြစ်များ ဖြစ်ခြင်းနှင့် ဆက်စပ်မှုရှိသည်။ ၎င်းတို့သည် ခန္ဓာကိုယ်အနှံ့ အခြားအာဟာရဓာတ်များ ရရှိရန်အတွက်လည်းဖြစ်သည်။ အကယ်၍ သင့်ကလေးသည် နို့ထွက်ပစ္စည်းများကို မကြိုက်နှစ်သက်ခြင်းနှင့် ဓာတ်မတည့်ခြင်းမှ ကင်းဝေစေလိုလျှင် ၎င်းတို့ကို ပေါ့ပါးသောနို့များ၊ အခြားအားဖြည့်အရည်များ၊ ကြွယ်ဝသောအဆီများနှင့် ထောပတ်တို့နှင့် အစားထိုးကြည့်ပါ။

ပေါင်မုန့်၊ အုတ်ဂျုံနှင့်ပျော့သောအသီးများ – နှလုံးရောဂါနှင့် အဝလွန်ခြင်း ဖြစ်နိုင်ချေကို လျှော့ချရန် ကူညီပေးသော ဗီတာမင်နှင့် သတ္တုဓာတ်များစွာပါဝင်သည်။ ၎င်းတို့သည်အမျှင်ဓာတ်၏ အရင်းအမြစ်များ ဖြစ်သည်။ အမျှင်ဓာတ်သည် သင့်ကလေးငယ်အားဗိုက်ပြည့်မှုကို ပိုမိုကြာရှည်ခံစေပြီး ခန္ဓာကိုယ်အနှံ့ လှည့်ပတ်လှုပ်ရှားစေသည်။ ဥပမာအားဖြင့် ဝမ်းချုပ်ခြင်းကို ကာကွယ်ပေးသည်။ အာနိသင်ဖြည့်ထားသော အစားအစာများ၊ အရသာရှိသော စီရီရယ်၊ ရိုးရိုးဘီစကွတ်မုန့်များ သို့မဟုတ် ဘီစကွတ်အပွ၊ ဆန်နှင့် အိမ်တွင်ပြုလုပ်သော သကြားမပါသည့် အသီးရေခဲချောင်းများနှင့်အစာထိုးနိုင်သည်။

Reference(s):

1. https://pediasurearabia.com/ae/en/healthy-eating-tips/want-to-win-over-a-child/yuck-o-meter
2. https://www.healthychildren.org/English/healthy-living/nutrition/Pages/Kids-Need-Fiber-Heres-Why-and-How.aspx